Lənkəranda süd qəbulu və yığımı məntəqəsində reyd keçirilib
Standartlaşdırma, Metrologiya və Patent üzrə Dövlət Komitəsinin Lənkəran ərazi idarəsinin əməkdaşları Lənkəran rayonunun "Xutor" deyilən ərazisində fəaliyyət göstərən süd qəbulu və yığımı məntəqəsində reyd keçirib.
APA TV-nin cənub bürosunun məlumatına görə, reyd zamanı məlum olub ki, qanunsuz fəaliyyət göstərən məntəqədə heç bir normativ sənəd və uyğunluq sertifikatı yoxdur. Vətəndaşlardan süd qəbulu qapağı açıq qalan kanalizasiya sisteminin yanında aparılır. Qablara yığılan südün üzərində də hər cür həşərata da rast gəlinib. Məntəqə işçisi isə vəziyyətdən çıxmaq üçün müxtəlif bəhanələrə əl atıb.
İdarə əməkdaşı Xalid Ələkbərlinin sözlərinə görə, məntəqəyə baxış protokolu tərtib olunub və qanuna müvafiq qaydada tədbirlər görüləcək.
Aşkarlanmış nöqsanlarla bağlı məntəqəyə məhdudlaşdırıcı qərar tətbiq edilərək sahibinə təqdim olunub. Belə ki, həmin məntəqəni 1500 manatdan 2000 manata kimi cərimə gözləyir.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
