Bakının mərkəzində zəncirvari qəza: 1 yaralı
Bakının Nəsimi rayonunda 4 maşının toqquşması ilə nəticələnən qəza baş verib. APA TV-nin məlumatına görə, qəza Puşkin və 28 May küçələrinin kəsişməsində qeydə alınıb. İşıqforun qırmızı işığında hərəkətini davam etdirən "Ford"markalı idman maşını "Hyundai" ilə toqquşub. Zərbənin gücündə "Ford" bir-neçə dəfə dövrə vuraraq yaxınlıqda hərəkətsiz halda dayanan "Renault" və "Mercedes"ə çırpılıb. Nəticədə "Ford"un sürücüsü baş nahiyəsindən xəsarət alıb. Avtomobillərə isə ziyan dəyib. Hadisə yerinə Dövlət Yol Polisini İdarəsinin Nəsimi Rayon Şöbəsinin əməkdaşları gəliblər. İlkin araşdırmalar nəticəsində məlum olub ki, qəzaya "Ford"un sürücüsünün sürət həddini aşması və işıqforun qırmızı işığında keçməsi səbəb olub. O, hadisə yerindən qaçmağa cəhd etsə də, polis əməkdaşları tərəfindən saxlanılaraq Nəsimi Rayon Polis İdarəsinə aparılıb.
Faktla bağlı Nəsimi Rayon Polis İdarəsində araşdırma aparılır.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
