Rauf Mirqədirov: "Mənə heç bir təzyiq olmayıb"
Casusluqda ittiham olunaraq həbs olunan “Ayna-Zerkalo” qəzetinin əməkdaşı Rauf Mirqədirov atası Həbibulla Mirqədirovun yas mərasiminə qatılıb. APA TV-nin xəbərinə görə, Rauf Mirqədirovun atasının vəfatı ilə əlaqədar 3 gün evdə qalmasına icazə verilib.
Həbibulla Mirqədirov “Qurd Qapısı” qəbiristanlığında dəfn edilib.
Rauf Mirqədirov jurnalistlərə açıqlamasında bildirib ki, ona heç bir təzyiq olmayıb, özünü rahat və gümrah hiss edir.
Özünü günahkar sayıb-saymamasına gəlincə, Rauf Mirqədirov deyib ki, bu vaxta qədər verdiyi izahatları təsdiq edir: “Mən bu barədə danışmaq istəmirəm. Daha ətraflı vəkillərim cavab versələr, yaxşı olar. Vəkillərim indiyə qədər bütün informasiyaları veriblər. Başım yasa qarışıb. Təşəkkürüm bildirirəm ki, ən azı bu yas mərasimində çoxlu sayda mətbuat təmsilçisi iştirak edir”.
Qeyd edək ki, Rauf Mirqədirov aprelin 19-da Türkiyədən Azərbaycana deportasiya olunub. Cinayət Məcəlləsinin 274-cü (dövlətə xəyanət) maddəsi ilə ittiham olunan jurnalistin barəsində məhkəmə həbs-qətimkan tədbiri seçib.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
