Tovuza güclü leysan yağıb, evlərə su doldu - GÖRÜNTÜ
Ötən gecə Tovuza güclü yağış yağıb. Leysan dağ kəndlərində fəsadlara səbəb olub. Rayonun İbrahim Hacılı, Bayramlı, Çapaq, Kirən, İsəkənd, Qarabağlılar, Ağdərə və digər kəndlərində leysan yollarını yuyaraq sıradan çıxarıb. Bundan başqa, kəndlərdə yaşayış evlərinə su dolub. Bəzi evlərin divarlarında çatlar əmələ gəlib. Güclü yağış kənd təsərrüfatına da ciddi ziyan vurub. Leysan yağış kartof və digər əkin sahələrini yuyaraq tam yararsız hala salıb. Bəzi kəndlərdə iri və xırdabuynuzlu heyvanların tələf olduğu da bildirilir. Tovuz rayon Elektrik Şəbəkəsinin rəisi Zöhrab Paşayev APA TV-yə bildirib ki, şimşək çaxması nəticəsində rayonun dağ kəndlərinə gedən elektrik naqilləri sıradan çıxıb. Qovlar şəhərində 110 kilovoltluq yarımstansiyanın da yararsız hala düşdüyünü deyən Zöhrab Paşayev hazırda rayon mərkəzi də daxil olmaqla bir sıra dağ kəndində elektrik enerjisinin olmadığını bildirib. Leysanın vurduğu ziyan araşdrılır.
Azər Məmmədli
OXŞAR XƏBƏRLƏR
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
