Yasamalda bağlı qapı arxasında qalan 14 yaşlı gənc xilas edilib
Ötən gecə Bakının Yasamal rayonunda mənzildə bağlı qapı arxasında bir nəfər köməksiz vəziyyətdə qalıb. Bu barədə Fövqəladə Hallar Nazirliyinin 112 xidmətinə bağlı qapı arxasında qalan 14 yaşlı Ələkbər Tağıyevin anası Elmira Mehrəliyeva məlumat verib. Nazirliyin müvafiq xilasetmə qüvvələri hadisə yerinə yollanıblar. Məlum olub ki, 14 yaşlı məktəbli qapının döyülməsinə və telefon zənglərinə reaksiya vermir. Hadisə yerinə baxış keçirən Xüsusi Riskli Xilasetmə Xidmətinin əməkdaşları 5 mərtəbəli binanın 5-ci mərtəbəsində yerləşən mənzilə giriş qapısının qıfılını sındırmaqla daxil olublar. Təxminən 15 dəqiqə davam edən xilasetmə əməliyyatı uğurla nəticələnib. Amma məktəblinin valideynləri bu müddət ərzində böyük həyəcan keçirdilər. Ələkbər Tağıyevin səhhətində heç bir problem olmadığından, o, ailəsinə təhvil verilib və təcili tibbi yardımın müdaxiləsinə ehtiyac olmayıb.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
