Sumqayıtın başlanğıcında – Taxta baraklarda həyat belədir
İkimərtəbəli baraklar. Taxtadan inşa olunan “fin evləri”. Əlvan rənglərlə boyanmış divarlar. Bura Sumqayıtın «İnşaatçılar» massividir. Bu evlər Sumqayıtın tikintisində iştirak edənlər üçün, İkinci Dünya müharibəsindən sonra tikilib. Çöldən baxanda xudmaniliyi, göz oxşayan rəngləri ilə diqqət çəkən bu evlərdə hələ də insanlar yaşayır. Qorxa-qorxa, evlərinin hər an başlarına uçacağını gözləyə-gözləyə. Hər evdə 4 ailə alt, 4 ailə üst mərtəbədə məskunlaşıb. Üstdəki qonşu evində gəzəndə aşağıda yaşayan ailə tavanın çökəcəyindən qorxur. Bu acınacaqlı vəziyyətdən bezib, evini tərk edib Sumqayıtda kirayə yaşamağa gedənlər də var. Əməkdar jurnalist Eyruz Məmmədov taxta evlərin bir vaxtlar Sumqayıtın başladığı yer olduğunu, şəhər inkişaf etdikcə bu ərazinin mərkəzdən uzaq qaldığını deyir. Sumqayıt şəhər icra hakimiyyətinin mətbuat katibi Eyvaz Qocayev bildirib ki, istismar müddətini başa vurmuş yaşayış evlərinin mərhələli şəkildə sökülərək yerində müasir yaşayış binalarının tikilməsi nəzərdə tutulub. Məlumat üçün bildirək ki, Sumqayıt şəhərində ümumilikdə 123 taxta ev var. Onlardan 23-ü barak tipli, 100-ü isə, taxta konstruksiyadan tikilmiş evlərdir. Bu evlərin hamısı artıq istismar müddətini başa vurub. Xədicə Səxavət, Əli Əliyev, APA TV
Apa.tv
OXŞAR XƏBƏRLƏR
11:01
19827
Bakı metrosunun “sovetdənqalma qatarlar”ı yenisi ilə əvəzlənməyəcək? – “65 yeni vaqon alınacaq”
15:59
18749
Bakıda borca görə düşən mübahisədə söyüş də söyüldü və qan çıxdı
15:23
17378
Telefonlardakı şəxsi görüntü və bank hesablarınız ələ keçirilə bilər
14:31
16845
ABŞ-dəki seçkilər dünya və Azərbaycana necə təsir edəcək?
14:12
16245
77 nömrəli avtobusda baş verənlərə aydınlıq gətirildi: “Hadisə araşdırılıb”
11:22
15927