FHN orta məktəbdə təlim keçirdi
Fövqəladə Hallar Nazirliyinin təşkilatçılığı ilə Bakı şəhəri, Sabunçu rayonu 28 nömrəli tam orta məktəbdə “Fövqəladə hallar zamanı davranış qaydaları və təxliyə” mövzusunda təlim keçirilib. FHN-in, eləcə də Tibbi Ərazi Bölmələrini İdarəetmə Birliyinin müvafiq canlı qüvvə və texnikasının cəlb edildiyi nəzəri və praktiki hissədən ibarət təlimin keçirilməsində məqsəd məktəbin kollektivinə fövqəladə hallar, o cümlədən yanğın zamanı davranış qaydalarının aşılanması olub. FHN-in əməkdaşları tərəfindən təlimin nəzəri hissəsində iştirakçılara mövzu ilə bağlı ətraflı məlumat verilib, videoçarx nümayiş etdirilib. Təlimin praktiki hissəsində isə şərti yanğın zamanı “Həyəcan” siqnalı verildikdən sonra FHN-in yanğınsöndürənləri operativ qaydada hadisə yerinə çataraq, “yanğınla mübarizə” tədbirlərinə başlayıblar. Şərti yanğın baş vermiş məktəbdə təxliyə planına uyğun olaraq, şagirlərin və müəllimlərin təhlükəsiz yerə təxliyəsi həyata keçirilib, “xəsarət” almış məktəblilərə “ilkin yardım göstərilib”. Uğurla başa çatan təlimdə qarşıya qoyulmuş məqsədlərə nail olunub. Qeyd edək ki, bu cür tədbirlər Fövqəladə Hallar Nazirliyi tərəfindən Bakıda və regionlarda mütəmadi olaraq təşkil olunur.
ORXAN ASLAN
ELVİN MURADOV APA TV
Apa.tv
OXŞAR XƏBƏRLƏR
Bakı metrosunun “sovetdənqalma qatarlar”ı yenisi ilə əvəzlənməyəcək? – “65 yeni vaqon alınacaq”
Bakıda borca görə düşən mübahisədə söyüş də söyüldü və qan çıxdı
Telefonlardakı şəxsi görüntü və bank hesablarınız ələ keçirilə bilər
ABŞ-dəki seçkilər dünya və Azərbaycana necə təsir edəcək?
77 nömrəli avtobusda baş verənlərə aydınlıq gətirildi: “Hadisə araşdırılıb”
